Најнова генерација цитостатици достапни во „Аџибадем Систина“
Во Клиничката болница „Аџибадем Систина“ достапна е последната генерација цитостатици кои даваат најдобри резултати во третманот на канцер. Терапијата со цитостатици пациентите ја добиваат во дневната болница, која располага со 11 посебни боксови опремени да обезбедат максимална интимност и комфор.
Зошто најновата генерација цитостатици ветува успех во лекувањето?
Благодарение на напредокот на медицината, лековите кои се применуваат во третманот на канцер низ годините го менуваат составот со цел да бидат што поефикасни. Предноста на последната генерација цитостатици е во тоа што имаат максимално дејство врз уништувањето на клетките, а се со помали несакани ефекти врз здравјето на пациентот.
Индивидуален план за терапија со цитостатици
Болните се лекуваат со најсовремена онколошка терапија која се креира индивидуално, според направените молекуларни анализи во Лабораторијата за хистопатологија. Пациентите можат да ги направат сите потребни иследувања во еден ден. Резултатите ги разгледуваат лекари од разни специјалности, што е дел од мултидисциплинарниот пристап во третманот на пациентите во болницата.
Пациентите може да примаат терапија во домашни услови
Новина на Одделот за онкологија во „Аџибадем Систина" е можноста пациентите што имаат потреба од повеќедневна непрекината хемотерапија, да ја спроведат во домашни услови, со користење пумпа за хемотерапија која пациентите ја носат под облеката, и можат непречено да функционираат. Пациентите таа можност ја имаат за првпат во Македонија.
